TNPSC General Tamil

TNPSC General Tamil

பிழை திருத்தம் (i) சந்திப்பிழையை நீக்குதல் / பிறமொழிச் சொற்களை நீக்குதல்

  • சந்திப்பிழை நீக்குதல்

இரண்டு சொற்கள் சேரும் பொது ஏற்படும் மாற்றத்தில் பிழைகளே சந்திப் பிழைகளாகும். அதாவது ஏற்கனவே இருக்கின்ற விகுதியோடு இன்னொரு சொல் இணையும் போது ஏற்படும் மாற்றங்கள்.

    உதாரணமாக: போர் + செயல்   = போர்ச்செயல் என மாறுவதைக் கூறலாம்.

இவ்வகையான வினாக்களுக்கு , வல்லினம் மிகும் இடங்கள் மற்றும் வல்லினம் மிகா இடங்கள் எவை என்பவற்றை அறிந்திருக்க வேண்டும்.

  • ஒருமை பன்மை கண்டறிதல்

இது ஒரு எளிய வகை வினா, தேர்வரின் தமிழறிவை சோதிக்கும் வண்ணம் வாக்கியங்களில் வரும் ஒருமை/பன்மை (singular/flural) வேறுபாடுகளை கண்டறியும் திறனை சோதிக்கும் வண்ணம் இருக்கும்.

உதாரணம் : ஒருமை/பன்மை பிழைகளைக் கண்டறிக ?

அ.தமிழ்நாடு அணி போட்டியில் வென்றனர்      ஆ.தமிழ்நாடு அணி போட்டியில் வென்றார்கள்      இ.தமிழ்நாடு அணி போட்டியில் வென்றது      ஈ.தமிழ்நாடு அணி போட்டியில் வென்றன.

விடை : இ.தமிழ்நாடு அணி போட்டியில் வென்றது( தமிழ்நாடு என்ற பெயர் ஒருமையில் வந்ததால் வென்றது என்பது ருமையிலேயே வர வேண்டும்.)

  • மரபு பிழை கண்டறிதல்

நம் அன்றாட வாழ்க்கையில் நம் முன்னோர்கள் பயன்படுத்திய பல சொற்களைப் பயன்படுத்தி வருகிறோம், அவை தூய தமிழ் வார்த்தைகளாக இல்லாமல் கூட இருக்கலாம். இவ்வகை வினாக்கள் அப்படிப் பட்ட மரபுப் பிழைகளை பிரித்தறியும் உங்கள் திறமையை சோதிக்கும் வண்ணம் இருக்கும்.

   உதாரணம் : மரபுப் பிழையை நீக்குக?
அ. தென்னங்குட்டி   ஆ.தென்னங்கன்று   இ.தென்னங்கண்ணு   ஈ.தென்னம்பிள்ளை

விடை: ஆ.தென்னங்கன்று

  • வழுவுச்சொல் கண்டறிதல்

சில தமிழ் சொற்களை நாம் பெரும்பாலான சமயங்களில் வழுவுச் சொற்களாகவே பயன்படுத்தி வருகிறோம்.’தலையணை’ என்ற சொல்லை ‘தலகாணி’ என்றும் ‘மனம்’ என்ற சொல்லை ‘மனசு’, ‘மனது’ என்றும் மாறிப் பயன்படுத்துவதைக் கூறலாம். இவ்வகை வினாக்களில் அப்படிப்பட்ட வழுவு சொற்களற்ற தூய்மையான தமிழ் வார்த்தையைக் கண்டறிய வேண்டும்.

உதாரணம் : வழுவு அற்ற சொல்லைக் கண்டறிக

அ.அறுவா மனை   ஆ.அரிவாள் மனை   இ.அறுவாள் மனை   ஈ.அரிவாய் மனை

விடை: ஆ.அரிவாள் மனை

  • பிறமொழிச் சொல் நீக்குதல் 

நாம் பேசும் வழக்கில் அனேக தமிழல்லாத மொழிகளையும் சேர்த்து பேசுகிறோம். இதில ஆங்கில மொழியின் ஆதிக்கமே அதிகம். இவ்வகை வினாக்களில் அப்படிப்பட்ட பிற மொழி        கலப்பினைக் கண்டறிந்து நீக்க வேண்டும்.

உதாரணம் : பிற மொழி சொற்களை நீக்குக ?

அ.வருசக் கடைசி
ஆ.வருடக் கடைசி
இ.வருடக் கடசி
ஈ.ஆண்டுக் கடைசி

விடை : ஈ.ஆண்டுக் கடைசி


Buy GK Kalanjiyam TNPSC Special Series 

Leave a Reply

Your email address will not be published. Required fields are marked *